АБАЙ ОБЛЫСЫ ХАЛҚЫНЫҢ БАЛАЛАРДАҒЫ ЖҰЛЫН БҰЛШЫҚЕТАТРОФИЯСЫ ТУРАЛЫ ЖӘНЕ ЖҮКТІЛІКТІ ЖОСПАРЛАУ КЕЗІНДЕГІГЕНЕТИКАЛЫҚ КЕҢЕС БЕРУДІҢ МАҢЫЗДЫЛЫҒЫ ЖӨНІНДЕГІАҚПАРАТТАНУ ДЕҢГЕЙІН БАҒАЛАУ
DOI:
https://doi.org/10.34689/x5r8wx26Кілт сөздер:
жұлын бұлшықет атрофиясы , сирек кездесетін аурулар , генетикалық аурулар , мутацияАңдатпа
Кіріспе. Балалардағы жұлын бұлшықет атрофиясы туралы және жүктілікті жоспарлау кезіндегі генетикалық кеңес
берудің маңыздылығы жөніндегі халықтың хабардар болуы аталған аурудың алдын алу мен ерте диагностикалау
үшін негізгі факторлардың бірі болып табылады.
Зерттеудің мақсаты: Балалардағы жұлын бұлшықет атрофиясы туралы және жүктілікті жоспарлау кезінде
генетикалық кеңес берудің маңыздылығы жөнінде халықтың хабардарлық деңгейіне баға беру.
Материалдар мен әдістер: 315 респонденттің қатысуымен бірмезеттік көлденең зерттеу жүргізілді. Статистикалық
талдау SPSS бағдарламалық қамтамасыздандыруы (26.0 нұсқасы) арқылы орындалды. Барлық айнымалылардың
таралуының қалыптылығын тексеру үшін гистограммалар және Колмогоров-Смирнов критерийі қолданылды. Таралудың
қалыпты түрден ауытқығанын ескере отырып, параметрлік емес статистикалық әдістер пайдаланылды. Біздің
нәтижелерде сандық үздіксіз айнымалылар медиана және процентильдер түрінде, ал дихотомиялық айнымалылар
үлестер (абсолюттік саны) түрінде көрсетілді. p=0,05 мәні статистикалық тұрғыдан мәнді деп есептелді.
Нәтижелер: Алынған нәтижелерге сәйкес, респонденттердің тек 47,6%-ы жұлын бұлшықет атрофиясы туралы естіген.
Респонденттердің 64,1%-ы болашақта жұбайымен немесе серіктесімен жүктілікті жоспарлауды көздейтінін атап өтті. 58%
респондент генетикалық кеңес алуға және жұлын бұлшықет атрофиясын тудыратын мутациялық гендерді анықтауға
арналған генетикалық тесттапсыруға дайын екенін білдірді. Респонденттердің тек 35,6%-ы балалардағы жұлын бұлшықет
атрофиясының негізгі белгілерін білетінін көрсетті, бұл ауруды уақытылы күдіктенуге және дер кезінде дәрігерге жүгінуге
көмектесер еді.
Қорытындылар: Осылайша, халықтың жұлын бұлшықет атрофиясы туралы хабардарлық деңгейі төмен болып
табылады және бұл ауру туралы ақпараттандыру мен түсіндіру жұмыстарын күшейтуді талап етеді.
Әдебиеттер тізімі
Kurmasheva A.T., Khismetova Z.A., Mukysheva A.M., Siyazbekova Z.S., Akhmetova K.M. Assessment of Public
Awareness in Abai Region Regarding Spinal Muscular Atrophy in Children and the Importance of Genetic Counseling in Family
Planning // Nauka i Zdravookhranenie [Science & Healthcare]. 2025. Vol.27 (5), pp. 120-126. doi 10.34689/SH.2025.27.5.015
Курмашева А.Т., Хисметова З.А., Мукушева А.М., Сиязбекова З.С., Ахметова К.М. Оценка
уровня осведомленности населения Абайской области о спинальной мышечной атрофии у детей и важности
генетического консультирования при планировании беременности .// Наука и Здравоохранение. 2025. Vol.27 (5), С.120-
126. doi 10.34689/SH.2025.27.5.015
Курмашева А.Т., Хисметова З.А., Мукушева А.М., Сиязбекова З.С., Ахметова К.М. Абай облысы
халқының балалардағы жұлын бұлшықет атрофиясы туралы және жүктілікті жоспарлау кезіндегі генетикалық кеңес
берудің маңыздылығы жөніндегі ақпараттану деңгейін бағалау // Ғылым және Денсаулық сақтау. 2025. Vol.27 (5), Б.
120-126. doi 10.34689/SH.2025.27.5.015
Жүктеулер
Жарияланды
Лицензия
Авторлық құқық (c) 2025 Алия Курмашева, Зайтуна Хисметова, Айгерим Мукушева, Зухра Сиязбекова, Камила Ахметова (Автор)
Бұл жұмыс Creative Commons атрибуты бойынша лицензияланған. 4.0 Халықаралық лицензия.